وحشتني موت

وحشتني .. ايام وليالي بستناك ..أسمع صوتك او حتى القاك .. لكني مش عارفه .. ليلي ونهاري بفكر فيك .. وروحي بتسبقني عليك .. لكني مش قادره !.. حبك عايش جوايا .. وقلبك هو منايا .. بحلم يوم اشوفك .. واسمع نغم صوتك .. وأحس بحنان نبراته .. اسرح في عينيك .. وادوب في كلامك .. وتحس بقلبي ودقاته .. أعيش .. ولو لحظه معاك .. أغرق في بحر هواك .. وقلبي يعيش اسعد اوقاته .. لو تفكر مرة بقلبك .. هتحس بشوقي وهوايا .. تعرف اد ايه بحبك .. وأد ايه عشقك جوايا .. مش قادره اقولهالك .. لكن قلبي صرخ بيها .. مش قادره انطقهالك .. لكن دموعي فاضت بيها .. وأنت ولا داري .. عايشه لوحدي بحيرتي ومراري .. اقاسي من حبك واداري .. علشان ماحدش يحس بيا .. بحلم .. وحتى الحلم صعب عليا .. بحلم تحبني وتحس بيا .. واعيش معاك طول لياليا .. في برد الشتا تدفيني .. وفي حضنك تحميني .. وبحبك تضلل عليا .. لكن الدنيا مليانه قسيه .. بخيله حتى بالحب عليا .. مش عايزة ترضى عني .. وتديني حبك هدية .. ولعت قلبي بناره .. ولا راضيه تطفيه .. طب ليه يادنيا قاسيه عليا ؟ .. علقتي قلبي بالمستحيل .. وده صعب عليا .. ولا هتجنني من اللي بيا ! .. بس لازم انساه .. لانه مش ليا .. حتى هو .. لا حبني ولا حس يوم بيا .. لكن .. يمكن يكون حس بحبي ومداري .. عشان مايجرحنيش .. مش هاينه عليه يكسر بقلبي .. ويقولي مابحبكيش .. في ادبه ورقته .. هلاقي ؟! .. لأ مفيش .. بس لازم ابعد عن قلبي حبه .. لأني مش في قلبه .. أو حتى في حياته على هواميش .. لكن هيفضل ع طول في بالي صورته .. دايما في خيالي .. هنساه .. لكن مش هنسى ثانيه واحده معاه .. هحب تاني .. وهخلص لحبي الجديد .. هيسكن فلبي وذكرياتي .. وهعيش في قلبه .. وبين ايديه .. هلقى الحب معاه .. وهكون ليه ووياه .. لأنه هيكون حبيبي .. ومكتوب معاه نصيبي .. لكن اتمنى يحبني .. واكون معاه كل دنيته .. في حضنه القى حنيته .. ومعايا يعيش فرحته .. وأحس بحنانه ورقته .. بس الدنيا تبطل فيا قسيه .. وتدوقني طعم الحنيه .. حنية الحبيب وحبه دية .. عندي اغلى امنيه ..

يسلمووووووووووووو اختى ع الموضوع
تحياااااااااااااااتى

مشكورين ع مروركم
تقبلووووووو تحيااااااااتى
عاشقة الفتح

يسلمووووووووووووووووووو أختى على موضوعك الجميل ودمتى لنا للمنتدى


تقبلى تحياتى : قلب حبيبتي

مشكورين ع مروركم
ودمتم بود
تحياااااتى